සුන්දරිය,
තව එකෙක් එක්ක හෝ
නිදි වැද පැමිණ
මා විවාහ කර ගන්න
මංගල අසිරිය මට දිය නොහැක
මුදු පළඳා නුඹ අහිමි කරගත නොහැක
මල් ගවසා ඹබරුන්ට ආවඩන්නට අකමැති ය
ගැහැනු මලක් තව ගැහැනියක
සිප ගන්නව දැක කෝප වෙන
දෙවියන් වහන්සේට මා ප්‍රිය නැත
දෙවොල් වල මා රැගෙන යන්නට
නුඹට බැරි ය
හිතන්න සුන්දරිය
ජිවිතය එය නම්
එය විද පැමිනෙන්න
මට නුඹ වෙනුවෙන් හෘදයේ
ලේ හා මාංශයද
විශ්වයක් සරි ඒත් වෙනස් වෙන
ප්‍රේමය ද පමනක් දිය හැක
සයනයේ බොහෝ අසීරුවෙන්
උඩබැලිව සිටිය යුතු කාල පසුකරන්
මා හා වාසයට එන්න
සුප් හැලි හැදි ගා අහවර
තන් වල කිරි වෑහුනු විට
මා සොයා එන්න
ඒ එනවිට
මතක තබා ගන්න
පිරිමියෙක් නොව මා යක්ෂයෙක් වග ……
